Almaty oblysynda bomba qoıyldy delingen kolledjden 600-ge jýyq adam evakýatsııalandy

QONAEV. QazAqparat - Almaty oblysynda bomba qoıyldy delingenkolledjden 600-ge jýyq adam evakýatsııalandy, dep habarlaıdy QazAqparat tilshisi.

«30 qarasha kúni saǵat 12:10-da kezekshi bólimge M. Beısebaev atyndaǵy Talǵar agrobıznes jáne menedjment kolledjine bomba qoıylǵany týraly aqparat tústi. Polıtsııa qyzmetkerleri basqa ýákiletti organdarmen birlesip 500-ge jýyq oqýshyny, 97 oqytýshyny, 7 tehnıkalyq personaldy jáne 2 kúzetshini evakýatsııalady», - delingen Almaty oblystyq Polıtsııa departamenti baspasóz qyzmetiniń habarlamasynda.
Vedomstvo aqparatyna sáıkes, atalǵan derek QR Qylmystyq kojeksiniń 273-baby boıynsha Talǵar aýdandyq polıtsııa bóliminde tirkeldi.
«Qazirgi ýaqytta saperler arnaıy operatsııa júrgizip jatyr. Onyń nátıjeleri boıynsha jaǵdaıǵa quqyqtyq baǵa beriletin bolady»,- dep tolyqtyrdy baspasóz qyzmetinen.