Almaty oblysynda bolǵan jer silkinisinen Shyńjańda 20 myń adam zardap shekti
BEIJІŃ. 30 qańtar. QazAqparat - Dúısenbi kúni, 28 qańtarda Almaty oblysynda 6,1 baldyq kúshpen bolǵan jer silkinisiniń saldarynan QHR-dyń Shyńjań-Uıǵyr avtonomdy ólkesiniń shekarasynda 20 myńnan astam jergilikti turǵyn zardap shekti,
dep habarlady «Sınhýa» agenttigi.
Kelip túsken aqparatqa qaraǵanda, ásirese QHR-diń Іle-Qazaq avtonomdy oblystaryndaǵy aýdandar jáne Shyńjań-Uıǵyr avtonomdy ólkesindegi Aqsý okrýgteri qatty zardap shekti. Zilzalanyń saldarynan 5681 úı qırady, 20421 adam zardap shekti, 78 turǵyn úıdiń 216 páteri tolyǵymen qırady.
Shyńjań bılik ókilderiniń málimetterine sáıkes, zilzalanyń saldarynan ShUAÓ Іle-Qazaq avtonomdy oblysynyń Chjaosý ýeziniń turǵyndary zardap shekti. Bul jerde 4062 úı zaqymdandy, 14217 adam zardap shekti. 93 turǵyn úıden 379 bala qaýipsiz aımaqqa kóshirildi. 4255 páterge zaqym keltirildi, onyń 202-i tolyǵymen qırady. Búgin, 30 qańtarda tabıǵı apatqa baılanysty júrek talmasyna ushyraǵan bir adam kóz jumdy.
Esterińizge sala keteıik, qytaılyq seısmologııalyq ortalyqtyń málimetterine sáıkes zilzala oshaǵy Almaty oblysynyń aýmaǵynda 20 shaqyrymdyq tereńdikte ornalasty.
Alǵashqy 6,1 baldyq qýatty jerasty dúmpýi 29 qańtarda Beıjiń ýaqyty boıynsha saǵat 00.38-de sezildi. Keıin beıjińdik ýaqyt boıynsha saǵat 00.46-da 3,4 baldyq kúshpen 13 metr tereńdikte ekinshi jerasty dúmpýi baıqaldy. 19 mınýttan keıin 3 baldyq kúshpen tórt jerasty dúmpýi sezildi.
