Almaty oblysynda bolǵan órtten úsh er adam qaza tapty, ekeýiniń tulǵalary anyqtalǵan joq

 Bul týraly QR TJM-niń baspasóz qyzmetinen habarlaıdy.

 Taldyqorǵan qalasyndaǵy Amangeldi kóshesindegi úıden saǵat 04:57-de órt shyqty. Ony órt sóndirý bólimi kelgenshe jergilikti turǵyndar ózderi sóndirdi. Oqıǵa ornyna QR TJM Almaty oblystyq TJD órt sóndirý qyzmetindegi jeke quramnyń 5 adamy men 1 tehnıkasy shyqty. Jalyn tili 1 sharshy metr aýmaqqa tarady. Oqıǵa ornynda 75 jastaǵy er adamnyń máıiti tabyldy.

 Almaty oblysynyń Qarasaı aýdanyndaǵy "Eńbek" saıajaılyq qoǵamdastyǵynda 26 qyrkúıek kúni saǵat 03:10-da saıajaılyq úı otqa orandy. Órt saǵat 04:15-te aýyzdyqtalyp, 04:20-da sóndirildi. Onymen kúreske QR TJM Almaty oblystyq TJD órt sóndirý qyzmetindegi jeke quramnyń 4 adamy men 1 tehnıkasy jumyldyryldy. Jalyn tili 50 sharshy metr aýmaqqa tarady. Órtti sóndirý barysynda tulǵalary anyqtalmaǵan eki er adamnyń órtenip ketken múrdeleri anyqtaldy.