Almaty oblysynda bolǵan alapat órt sóndirildi
ASTANA - TALDYQORǴAN. QazAqparat - Almaty oblysyndaǵy 16 páterli turǵyn úıde bolǵan órt 13.30-da tolyǵymen sóndirildi, dep habarlaıdy «QazAqparat» HAA QR ІІM TJK resmı ókili Rýslan Imanqulovqa silteme jasap.
Ókildiń bergen aqparatyna qaraǵanda órttiń sebepterin órt synaq zerthanasynyń mamandary anyqtaıdy.
Buryn habarlanǵanyndaı, búgin tańǵy 8-de oblys ortalyǵynan 120 kılometrdegi Jansúgirov aýylynda turǵyn úı órtengen. Órt sóndirýshiler kelgen tusta úıdiń shatyryndaǵy órt ekinshi qabatqa ótken. 32 adam qaýipsiz jerge kóshirilgen. Aldyn ala málimetterge súıensek, tilsiz jaý shatyrdyń 440 sharshy metr aýmaǵyn, páterlerdiń 347 sharshy metr aýmaǵyn sharpyǵan.
