Almaty oblysynda boks bapkeri oqýshyǵa qol kóterdi
ALMATY OBLYSY. QazAqparat – Almaty oblysynda boks jattyqtyrýshysy jasóspirimdi dórekilik tanytqany úshin urǵan, dep habarlaıdy QazAqparat.
26 qańtar kúni Eńbekshiqazaq aýdandyq polıtsııa basqarmasynyń kezekshi bólimine 16 jastaǵy jasóspirimniń «muryn súıeginiń jaraqaty» dıagnozymen aýrýhanaǵa jetkizilgeni habarlandy. Atalǵan fakt boıynsha QR Qylmystyq kodeksiniń «Densaýlyqqa qasaqana zııan keltirý» babynyń 2-bóligi boıynsha sotqa deıingi tergeý bastaldy.
«Jedel-izdestirý sharalary arqyly Eńbekshiqazaq polıtsııa basqarmasynyń qyzmetkerleri osy qylmystyq quqyqbuzýshylyq jasady degen kúdikpen jábirlenýshiniń boks bapkerin anyqtady. Onyń aıtýynsha, sport zalyn tazalaý barysynda shákirtteriniń synyptasy kelgen. Onymen áńgimeleskende jas jigit dórekilik tanytqan jáne jattyqtyrýshy shydaı almaı, oqýshynyń betinen urǵan. Qalǵan aqparat QR Qylmystyq-protsesýaldyq kodeksiniń 201-babyna sáıkes tergeý múddesi úshin jarııalanbaıdy», - dep habarlady Eńbekshiqazaq aýdandyq PB bastyǵy, polıtsııa polkovnıgi Talǵat Seıilhanov.
Qazirgi ýaqytta atalǵan fakti boıynsha sotqa deıingi tergeý amaldary júrip jatyr.
