Almaty oblysynda blokposttan urlyq jasaǵany úshin izdeýde júrgen er adam ustaldy
TALDYQORǴAN.QazAqparat - Almaty oblysy Іle aýdany Pokrovka aýylyndaǵy qosymsha blokpostta tótenshe jaǵdaı rejımin buzǵany úshin Uzynaǵash aýylynyń 36 jastaǵy turǵyny ustaldy, - dep habarlaıdy QazAqparat tilshisi.
«Ustalǵan azamatty derekter qory boıynsha tekserý barysynda, Uzynaǵash aýylynda jasaǵan urlyǵy úshin Jambyl aýdandyq polıtsııa bólimi izdestirip jatqandyǵy jáne onyń polıtsııadan jasyryp júrgeni belgili boldy. G. esimdi azamat dereý polıtsııa bólimine jetkizildi. Qazirgi ýaqytta tekserý is-sharalary júrgizilýde. Sonymen qatar, maldardy zańsyz tasymaldaý, olardyń qujattarynyń bolmaýy, sondaı-aq urlanǵan mal derekteri de tekserilýde. Osylaısha, jergilikti jerlerde urlanǵan usaq maldardy kórshi aýylǵa aparýǵa tyrysqan mal urylary ustaldy», - dedi Іle aýdandyq polıtsııa basqarmasynyń bastyǵy Marat Kúshtibaev.
Jalpy Іle aýdany boıynsha ornalasqan blokposttarda barlyǵy jıyrma myńǵa jýyq kólik quraldary tekserildi jáne Almaty qalasynyń aýmaǵyna bes myńnan astam azamatqa kirýge ruqsat berilmedi. Sonymen qatar, 26 adam ákimshilik jaýapqa tartylyp, onyń 18-i Qarasaı aýdandyq sotynyń qaýlysymen 5-ten 10 táýlikke deıingi ákimshilik qamaqqa alyndy. Eki adamǵa 5 AEK kóleminde ákimshilik aıyppul salyndy.
«Sondaı-aq, jeke dúkenderdiń úsh ıesi saǵat 20:00-den keıin saýda-sattyqtaryn jalǵastyrǵany úshin, árqaısysy 10 AEK mólsherindegi ákimshilik aıyppul túrindegi ákimshilik jaýapqa tartyldy. Tyıym salynǵan ýchaskelerde jeke tasymalmen aınalysqan 31 jastaǵy azamatqa da dál osyndaı aıyp taǵyldy», - dep tolyqtyrdy polkovnık Kúshtibaev.
