Almaty oblysynda blokpostar qaıta qoıyla ma: Ákimdik jaýaby
TALDYQORǴAN. QazAqparat - Almaty oblysynda blokpostar qoıylady degen aqparatty ákimdik joqqa shyǵardy, dep habarlaıdy QazAqparat tilshisi.
«Messendjerlerde Almaty oblysynda blokpostar qaıta qoıylady degen aqparat tarap jatyr. Almaty oblysynyń vedomstvoaralyq komıssııasy bul suraqty qarastyrmaǵanyn jáne bul aqparat jalǵan ekenin málimdeımin», - dep jazdy Almaty oblysy ákiminiń baspasóz hatshysy Ǵalymurat Júkel.
Esterińizge sala keteıik, búginge deıin óńirde jalpy 701 adam koronavırýs juqtyryp, onyń 574-i indetten jazylyp shyqty. Qaıtys boldy – 1 naýqas.
