Almaty oblysynda bıyl 23 medıtsınalyq nysan salynady
NUR-SULTAN. QazAqparat – Almaty oblysynda medıtsınalyq qural-jabdyqtarmen jáne sanıtarlyq avtokólikpen qamtamasyz etý deńgeıi 90%-ǵa jetti. Bul týraly óńir ákimi Amandyq Batalov aıtyp berdi, dep habarlaıdy QazAqparat.
«Densaýlyq saqtaý salasynda 2020-2021 jyldary koronavırýspen kúres sharalaryna jergilikti bıýdjetten 14 mlrd teńge bólindi. 3 tomograf, 18 rentgen apparaty, 219 ókpeni jasandy jeldetkish, 180 jedel járdem mashınasy, 12 jyljymaly medıtsınalyq keshen satyp alyndy. Sonyń nátıjesinde medıtsınalyq qural-jabdyqtarmen jáne sanıtarlyq avtokólikpen qamtamasyz etý deńgeıi 90% kóterildi», - dedi A. Batalov QR Prezıdenti janyndaǵy Ortalyq kommýnıkatsııalar qyzmetinde ótken baspasóz máslıhatynda.
Ákimniń aıtýynsha, Taldyqorǵan qalasynda qysqa merzimde 200 oryndyq modýldi ınfektsııalyq aýrýhana salyndy.
«Medıtsınalyq qyzmet qoljetimdi bolyp, 2025 jylǵa deıin shalǵaı eldimekenderdi de tolyq qamtý úshin 109 nysan salý kózdelgen, onyń 23-i bıyl salynady, sol qatarda 20 blokty-modýldi medpýnktter de bar. Qazirgi ýaqytta halyqqa vaktsına egý jumystary júrip jatyr. 410 myń doza vaktsına alyndy.
Birinshi komponenti 211 myń adamǵa, ekinshi komponenti 119 myń adamǵa salyndy. Barlyǵy 1,1 mln adamdy qamý josparlanǵan», - deıdi A.
