Almaty oblysynda birneshe jarysta jeńiske jetken aǵylshyn-arab tuqymdy jylqy urlandy
TALDYQORǴAN. QazAqparat- Almaty oblysynda birneshe jarysta jeńiske jetken aǵylshyn-arab tuqymdy jylqy urlandy,- dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, 26 aqpanda Kegen aýdany Polıtsııa bóliminiń kezekshi bólimine Aqsaı aýylynyń 87 jastaǵy turǵyny úıiniń qorasynan óziniń aǵylshyn-arab tuqymdy, ártúrli jarystardyń birneshe dúrkin júldegeri bolǵan jylqysynyń urlanǵany týraly aryzben júgindi.
Jedel-izdestirý is-sharalarynyń nátıjesinde polıtsııa qyzmetkerleri eki kúdikti azamatty ustady. Biri, 2001 jyly týǵan Kegen aýdanynyń turǵyny, ekinshisi 25 jastaǵy Almaty qalasynyń turǵyny. Ustalǵan azamattar jylqynyń qundy tuqymdy ekenin bile tura, ony júk kóligimen aýdannan tys jerge shyǵaryp, belgisiz tulǵaǵa satqanyn moıyndady. Qazirgi ýaqytta ustalǵan azamattar ýaqytsha ustaý ızolıatorynda qamaýda otyr. Jylqyny izdeý jumystary bastaldy.
Urlyq faktisi sotqa deıingi tergeýdiń biryńǵaı tizilimine QR QK 188-1B.3 t.2b tirkeldi.
