Almaty oblysynda Birlik merekesin 100-den astam etnos ókilderi toılady
TALDYQORǴAN.QazAqparat - Almaty oblysynyń ortalyǵy Taldyqorǵanda tatýlyqty tý etken meıramdy jurtshylyq sán-saltanatymen atap ótýde. Jalpy Jetisý jerinde 105 ult ókili bereke-birlikte ómir súrip, 70-ten astam etnomádenı birlestik jumys isteıdi, dep habarlaıdy QazAqparat tilshisi.
Byltyr Assambleıa quramyndaǵy keńester men uıymdar Elbasy maqalasyndaǵy «Týǵan jer», «100 jańa esim» jáne «Qazaqstannyń kıeli geografııasy» syndy kishi baǵdarlamalardy úılestirýge atsalysty. Endigi maqsat Prezıdenttiń 5 áleýmettik bastamasynyń júzege asyrylýyna jumyla kúsh salý.
«Elbasy búgingi bizdiń jetistigimiz, myna búgingi bizdiń eńbektiń jemisi degen. Barlyǵy qoǵamdyq kelisimge baılanysty. Halyqtyń birin-biri túsinip, birin-biri syılap, birliktiń arqasynda jaqsy nátıjege jetip otyrmyz», - deıdi Almaty oblystyq QHA janyndaǵy qoǵamdyq kelisim keńesiniń tóraǵasy Oralbek Jaqııanov.
Merekelik sharalar Taldyqorǵan qalasyndaǵy «Jastar» mədenı-demalys saıabaǵynda uıymdastyryldy. Kópshilik nazaryna oblystaǵy etnomədenı birlestikterdiń kórmesi, sporttyq oıyndar, «Taldyqorǵan əýenderi» folklorlyq-etnografııalyq ansambliniń, Súıinbaı atyndaǵy oblystyq fılarmonııanyń jəne basqa da shyǵarmashylyq ujymdar ərtisteriniń kontserti, halyq ansamblderiniń əni men bıi usynyldy. Merekege jınalǵan kópshilikti Almaty oblysynyń əkimi Amandyq Batalov quttyqtady.
«Qurmetti jetisýlyqtar! Sizderdi beıbitshilik pen kelisim merekesimen quttyqtaımyn! Otanymyzdyń eń basty baılyǵy - birligi jarasqan kóp etnosty halqy. «Júzi basqa bolsa da - júregi, tili basqa bolsa da tilegi - bir» halqymyz qazaq jerinde tatý-tətti ómir súrýde. Təýelsizdiktiń shırek ǵasyrdan astam ýaqytyndaǵy elimizdiń əleýmettik-ekonomıkalyq tabystarynyń basty faktory da - osy. Uly dala tórinde 100-den astam etnos ókilderi bir shańyraqta birlikte ómir súrýi - Prezıdentimiz Nursultan Əbishuly Nazarbaevtyń əlem moıyndaǵan oń saıasatynyń jemisi. Otanymyzdyń, Məńgilik Elimizdiń mereıi ústem, bolashaǵy jarqyn bolsyn!», - dedi turǵyndardy quttyqtaǵan oblys əkimi Amandyq Batalov.
Aıta ketý kerek, keshkisin shara jastardyń bı keshine ulasady. Sondaı-aq 1 mamyr kúni qaladaǵy ortalyq saıabaqta balalarǵa arnalǵan attraktsıondar óz jumysyn bastady.
