Almaty oblysynda birqatar bilim nysanynyń ataýy ózgerdi
NUR-SULTAN. QazAqparat – QR Premer-Mınıstri Asqar Mamın Almaty oblysynyń keıbir bilim berý uıymdaryna ataý berý jáne ataýlaryn ózgertý týraly Qaýlyǵa qol qoıdy, dep habarlaıdy QazAqparat primeminister.kz saıtyna silteme jasap.
Atap aıtqanda, Іle aýdanynyń bilim bólimine qarasty «48 orta mektebi» memlekettik kommýnaldyq mekemesine Tólegen Aıbergenovtiń esimi berildi.
Sondaı-aq Kegen aýdanynyń bilim bólimine qarasty «№3 Kegen orta mektebi mektepke deıingi shaǵyn ortalyǵymen» kommýnaldyq memlekettik mekemesiniń ataýy – «Mektepke deıingi shaǵyn ortalyǵy bar Keńes Nurpeıisuly atyndaǵy orta mektep» KMM bolyp ózgerdi.
Budan bólek, Qarasaı aýdanynyń bilim bólimine qarasty «Úshqońyr qazaq orta mektebi» kommýnaldyq memlekettik mekemesi «Áljan Buqarbaıqyzy atyndaǵy qazaq orta mektebi» kommýnaldyq memlekettik mekemesi bolyp qaıta ataldy.
«Qaýly alǵashqy resmı jarııalanǵan kúninen bastap qoldanysqa engiziledi», - delingen qujatta.
