Almaty oblysynda birqatar azamattar memlekettik nagradamen marapattaldy

ASTANA. QazAqparat - Memleket basshysy eleýli jetistikteri men Qazaqstan Respýblıkasyna sińirgen aıryqsha eńbegi úshin Almaty óńiriniń birqatar azamatyn memlekettik nagradalarmen marapattady, dep habarlaıdy QazAqparat.

Memleket basshysynyń Jarlyǵymen eleýli jetistikteri jáne Qazaqstan Respýblıkasyna sińirgen aıryqsha eńbegi úshin:

- «Parasat» ordenimen Ulttyq qoı ósirýshiler odaǵy keńesiniń tóraǵasy Tynyshbaı Dosymbekov;

- «Qurmet» ordenimen eńbek ardageri Vıktor Ivanovıch Volokıtın;

- «Erligi úshin» medalimen TJM Almaty oblysy Tótenshe jaǵdaılar departamentiniń Órt sóndirý jáne avarııalyq-qutqarý jumystary qyzmeti jedel-qutqarý jasaǵy Qonaev qalasy qutqarý bólimshesiniń qutqarýshysy Qýanysh Qaıyrjanuly Qaıyrjan;

- «Erligi úshin» medalimen TJM Almaty oblysy Tótenshe jaǵdaılar departamentiniń Órt sóndirý jáne avarııalyq-qutqarý jumystary qyzmeti Órt sóndirý jáne avarııalyq-qutqarý jumystaryn uıymdastyrý bóliminiń ınjeneri Jasulan Jaqsylyquly Núsipov;

- «Eren eńbegi úshin» medalimen «Ońtústik agroparki» jaýapkershiligi shekteýli seriktestiginiń bas agronomy Qalı Jetibaıuly Qańtarbaev;

- «Eren eńbegi úshin» medalimen Abaı aýylyndaǵy №2 orta mektebiniń dırektory Bátıma Kálpeqyzy Nysanbaeva;

- «Eren eńbegi úshin» medalimen Jambyl aýdandyq «Atameken» gazetiniń aǵa tilshisi Rápbek Sádýaqasuly Terlikbaev nagradtaldy.