Almaty oblysynda birigip ishimdik ishkenderdiń otyrysy ólimmen aıaqtaldy
TALDYQORǴAN. QazAqparat - Almaty oblysynda jedel ýákilder bir táýlik ishinde kisi ólimin ashyp, kúdiktini tapty, dep habarlaıdy QazAqparat tilshisi.
Oqıǵa Almaty oblysy Kerbulaq aýdanynda keshe saǵat 22.00 shamasynda bolǵan. Polıtsııa bóliminiń kezekshi bólimine ýchaskelik ınspektordan zorlyqpen óltirilgen 64 jastaǵy turǵynnyń máıiti Kóksaı aýylynda tabylǵandyǵy týraly habarlama kelip túsken. Er adamdy óz úıinde óltirip ketken.
Oqıǵa ornyna jetken jedel-tergeý toby adam ólimi ishimdik ishý barysynda bolǵanyn anyqtaǵan.
Kýágerlerdiń kómegimen kúdiktiniń belgileri boıynsha sózdik portret jasalyp, bir táýlik ishinde kórshi aýyldyń 43 jastaǵy turǵyny ustaldy. Kúdikti usynylǵan dáleldemelerden keıin kisi óltirgenin tolyq moıyndady.
Atalǵan derek QR QK-nyń 99-babynyń 1-bóligine sáıkes tirkeldi. Kúdikti QR QІJK-niń 128-baby negizinde ýaqytsha ustaý oqshaýlaǵyshyna qamaýǵa alyndy.
