Almaty oblysynda bir jyldyń ishinde 12 aýdan ákimi aýysqan
TALDYQORǴAN. QazAqparat - Byltyrǵy shilde aıynan beri Almaty oblysynda 12 aýdannyń ákimi aýysqan. Bul týraly Memlekettik qyzmet jáne sybaılas jemqorlyqqa qarsy is-qımyl agenttiginiń Almaty oblysy boıynsha departament basshysy Serikbaı Nurǵısaev málim etti, dep habarlaıdy QazAqparat tilshisi.
Departament basshysynyń sózine qaraǵanda, byltyrdan búginge deıin oblystaǵy 12 aýdan jáne qala ákimi men, 11 basqarma basshylary aýysty.
«Basshylyq qyzmetke jas, bilimdi kadrlar kelip jatqany qýantady. Alaıda, olar da óz kezeginde komandalyq aýys-túıistiń barlyq túrin boldyrmaı, merıtokratııa men kadrlardyń taza aýysýy qaǵıdattaryn saqtaýlary kerek», - deıdi Serikbaı Nurǵısaev.
Sonymen birge, birqatar aýdandarda kadrlardyń turaqtamaýy da baıqalǵan. Atap aıtqanda, bundaı másele Taldyqorǵan qalasynda, Eskeldi, Qarasaı, Jambyl aýdandarynda kórinis bergen.
