Almaty oblysynda bir jasqa tolmaǵan sábıden koronavırýs tabyldy
TALDYQORǴAN. QazAqparat - Sońǵy táýlikte Almaty oblysynda taǵy 6 adam indet juqtyrǵan, dep habarlaıdy QazAqparat oblys ákiminiń baspasóz qyzmetine silteme jasap.
Búgin Almaty oblysynda koronavırýs ınfektsııasynyń taǵy 6 jaǵdaıy tirkeldi. Atap aıtqanda, Taldyqorǵan qalasy men Eskeldi jáne Talǵar aýdandarynyń árqaısysynda 2 faktiden anyqtaldy.
Patsıentter 1950, 1989, 1989, 1995, 1996, 2020 jyly týǵan. Onyń tórteýi - buǵan deıin vırýs juqtyrǵandarmen baılanysta bolǵandar, qalǵan ekeýiniń syrqaty profılaktıkalyq tekserilý barysynda belgili boldy.
Syrqattardyń barlyǵy oqshaýlanyp, qazir ınfektsııalyq bólimge aýystyrylǵan. Epıdemıologııalyq zertteý jalǵasýda.
24 mamyrdaǵy jaǵdaı boıynsha Almaty oblysynda koronavırýspen aýyrǵandar sany 284 boldy.
