Almaty oblysynda bir úıir jylqyny aıdap ketken barymtashylar ustaldy
TALDYQORǴAN. QazAqparat - Almaty oblysynda 20-dan astam jylqyny urlaǵan degen kúdikpen eki turǵyn ustaldy. Qazir onyń bireýi qamaýǵa alynyp, ekinshisi qolhatpen bosatyldy, dep habarlaıdy QazAqparat tilshisi.
Oblystyq ІІD baspasóz qyzmetiniń málimetinshe, ustalǵan eki adam Talǵar aýdanynyń turǵyndary. Olar buǵan deıin de birneshe ret qylmystyq jaýapkershilikke tartylǵan. Anyqtalǵandaı, 5 shilde kúni Qarasaı aýdanyndaǵy Qolaşy aýyly mańynan 20-dan astam jylqyny belgisiz bireýler urlap ketken. Bul maldardyń ıesi jergilikti kásipker bolyp shyqty. Qazir ol ózine keltirilgen shyǵyn kólemin 7,5 mln teńgege baǵalap otyr. Arnaıy jedel-izdestirý sharasy barysynda eki azamat qolǵa tústi.
«Ustalǵan azamattardyń biri 58 jasta. Ekeýi de buǵan deıin barymtashylyq jasap, qylmystyq jasapkershilikke tartylǵan. Qazirgi tańda úıir jylqylardy izdestirý jumystary júrgizilip jatyr. Tabylǵan maldar zańdy ıesine qaıtarylatyn bolady», dedi oblystyq ІІD baspasóz qyzmeti.
Qazir atalǵan fakti boıynsha tergeý jalǵasýda.
