Almaty oblysynda bir úıdiń 6 adamy koronavırýs juqtyrǵan
TALDYQORǴAN.QazAqparat - Búgin Almaty oblysynda 7 adamnyń COVID-19 juqtyrǵany belgili boldy, dep habarlaıdy QazAqparat tilshisi Almaty oblysy ákiminiń baspasóz qyzmetine silteme jasap.
Olardyń altaýy - 63, 40, 33, 19 jastaǵy tórt eresek jáne 7, 4 jastaǵy eki bala Eńbekshiqazaq aýdany Shelek aýylynyń turǵyndary. Olardyń bári de - buǵan deıin aýyrǵan 1939 jyly týǵan azamatpen bir úıde turǵandar. Bul 6 adam Shelek aýylyndaǵy aýdandyq aýrýhananyń ınfektsııalyq bólimine jatqyzyldy.
COVID-19 ınfektsııasymen aýyrǵandardyń taǵy bireýi Іle aýdanynda tirkeldi. Talǵar aýdanynyń 1994 jyly týǵan turǵyny dıagnozy anyqtalǵannan keıin Qarasaı aýdandyq ortalyq aýrýhananyń ınfektsııalyq bólimine jatqyzyldy. Ol buǵan deıin aýyrǵan patsıentpen baılanysta bolǵan. Jumys barysynda 25 adammen qarym-qatynas jasaǵan. Olardyń barlyǵy dárigerlerdiń baqylaýynda.
Jalpy 22 sáýir kúngi saǵat 15.00-degi jaǵdaı boıynsha Almaty oblysynda koronavırýspen aýyrǵandar sany 62-ge jetti, 9 adam jazylyp shyqty.
Foto: ainews.kz