Almaty oblysynda bir úıden úsh áıeldiń máıiti tabyldy
TALDYQORǴAN. QazAqparat - Almaty oblysynda úsh áıeldiń múrdesi jer úılerdiń birinen tabyldy. Oqıǵa 25 naýryz kúni tústen keıin Jambyl aýdanyndaǵy Uzynaǵash aýylynda bolǵan, dep habarlaıdy QazAqparat tilshisi.
Marqum bolǵan jandar bir otbasynyń músheleri. 1930 jylǵy keıýana, onyń 1967 jylǵy qyzy jáne 1994 jylǵy jıen nemeresi birneshe jerinen alǵan pyshaq jaraqatynan kóz jumǵan. Kórshileriniń sózine qaraǵanda, qaıtys bolǵan 1994 jylǵy qyz Almaty-2 temirjol vokzalynyń kassasynda jumys istegen.
Aldyn ala málimet boıynsha, 24 jastaǵy qyz jigitimen sózge kelip qalǵan. Sonyń saldarynan 22 jastaǵy jigit bir otbasynyń úsh múshesin pyshaqtap, óltirip ketken.
Artynsha kúdik keltirip otyrǵan 1996 jylǵy jigit ózin de birneshe ret pyshaqtaǵan. Keıinnen kúdikti dárigerlerdiń kómegine júgingen.
