Almaty oblysynda bir top ury 15 úıdi tonap ketti
TALDYQORǴAN. QazAqparat - Almaty oblysynyń polıtseıleri bir top uryny ustady, dep habarlaıdy QazAqparat tilshisi oblystyń polıtsııa departamentiniń baspasóz qyzmetine silteme jasap.
Tártip saqshylarynyń aıtýynsha, tórt er adamnan quralǵan qylmystyq topty Jambyl aýdanynyń polıtseıleri ustaǵan. Qazir olarǵa Uzynaǵash aýylynda 2018 jyldyń kúzinde tirkelgen urlaý derekteri boıynsha aıyp taǵylǵan.
«Kúdiktiler kezekti urlyqtan keıin dereý ustaldy. Olardyń ekeýi buryn sottalǵan. Tergep-tekserý kezinde ustalǵandar osy sekildi basqa qylmystarǵa qatysynyń bar-joǵy tekserildi. Qazir kúdiktiler ár túrli kezde jasalǵan 15 urlyq deregi boıynsha aıyptalyp otyr. Jábirlenýshilerge keltirilgen jalpy zalal shamamen 5 mıllıon teńgeni quraıdy», - dep málimdedi Almaty oblystyq PD baspasóz qyzmeti.
Aýyl turǵyndarynyń qoldy bolǵan múlikteriniń bir bóligi tabylyp, tergeýge zattaı aıǵaq retinde alyndy.
«Ázirge kúdiktilerdiń negizgi fıgýrant bolyp otyrǵan bireýi ǵana qamaýǵa alyndy. Al úsheýine tergeý kezinde eshqaıda ketpeý bultartpaý sharasy qoldanyldy. Jambyl oblystyq polıtsııasynyń qyzmetkerleri QR Qylmystyq kodeksiniń 188-baby («Urlyq») boıynsha sotqa deıingi tergep-tekserý júrgizip jatyr», - deıdi polıtsııa qyzmetkerleri.
