Almaty oblysynda bir top mas jigit erli-zaıyptyny soqqyǵa jyqty

TALDYQORǴAN. QazAqparat - Almaty oblysynda 22-24 jastaǵy mas jigitter, erli-zaıyptyny soqqyǵa jyqqan. Oqıǵa Jambyl aýdanynyń Qasymbek aýylynda bolǵan, dep habarlaıdy QazAqparat tilshisi.

«2 maýsym kúni Jambyl aýdanynyń Polıtsııasyna Qasymbek aýylynyń turǵyny shaǵymdandy. Áıeldiń aıtýnysha, belgisiz úsh jigit ózin jáne kúıeýin soqqyǵa jyqqan. Tekserý barysynda 22-24 jastaǵy osy aýyldyń turǵyny. Bul is Qylmystyq kodekstiń 293-baby 2-bóligimen buzaqylyq boıynsha tirkeldi»,- dep málimdedi Almaty oblystyq Polıtsııa departamenti baspasóz qyzmetinen.

Vedomstvonyń aqparatyna sáıkes, osy oqıǵa boıynsha jábirlenýshilerdiń jaraqat dárejesin anyqtaý maqsatynda qajetti saraptamalar taǵaıyndalǵan.

«Ustalǵan úsh adamnyń ekeýiniń ishimdik ishkeni arnaıy medıtsınalyq tekserý barysynda anyqtaldy», - dep tolyqtyrdy atalǵan vedomstvonyń baspasóz qyzmeti.

Ázirge Almaty oblysynyń polıtsııa departamentiniń baspasóz qyzmeti janjaldyń neden shyqqany jóninde málimet bermedi. Al beıresmı aqparatqa sáıkes belgisiz er adam ózgeniń turǵyn úıiniń qorshaýynyń janynda dáret syndyrǵan. Janjal sol sátten bastalǵan kórinedi.