Almaty oblysynda bir táýlikte tótenshe jaǵdaı rejımin buzǵan 12 adam ustaldy
TALDYQORǴAN. QazAqparat - Bir táýlikte Almaty oblysyndaǵy blok-beketterde tótenshe jaǵdaı rejımin buzǵan 12 adam ustaldy, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń málimetinshe, quqyq buzýshylar ótken táýlikte Almaty qalasyna irgeles tosqaýyl-bekette ustalǵan. Olardyń ishinde aınalma jolmen ótýge tyrysqan azamattar da bar. Olar birden anyqtaldy.
«Azamattar burynǵysynsha arnaıy blok-beketterdi túrli amal arqyly aınalyp ótýge tyrysýda. Bul rette, olar agressııa, qarsylyq jáne polıtsııa ókilderiniń zańdy talaptaryna baǵynbaýǵa deıingi san qıly tásilderdi qoldanýda. Alaıda, tótenshe jaǵdaı rejımin buzý nemese tótenshe jaǵdaıdyń jarııalanýyna baılanysty talaptardy oryndamaý 10 AEK mólsherinde aıyppul salýǵa nemese 15 táýlikke deıin qamaýǵa ákep soǵady. Budan ózge, tótenshe jaǵdaı jarııalanǵan aýmaqta bılik ókiliniń zańdy talabyna nemese ókimine baǵynbaǵan azamattarǵa 2000 AEK mólsherinde aıyppul salý nemese alty júz saǵatqa deıin túzeý jumystary, ne sol mólsherde qoǵamdyq jumystarǵa tartý, ne eki jylǵa deıin bas bostandyǵyn shekteý, ne sol merzimge bas bostandyǵynan aıyrý jazasy kózdelgen», - dedi Almaty oblysy Іle aýdandyq polıtsııa basqarmasynyń bastyǵy, polıtsııa polkovnıgi Marat Kúshtibaev.
Ustalǵan azamattardyń barlyǵy Ákimshilik quqyq buzý týraly kodeksiniń 476-babyna sáıkes ákimshilik jaýapkershilikke tartyldy. Qazir zańǵa baǵynbaǵandar 5-ten 8 táýlikke deıin qamaldy.
