Almaty oblysynda bir táýlikte esirtkimen baılanysty bes qylmys ashyldy
Almaty oblystyq Polıtsııa departamenti baspasóz qyzmetiniń málimetinshe, úsh kúdikti esirtki paıdalanǵany úshin ustaldy.
Polıtsııa qyzmetkerleri esirtki zattaryn saqtaýmen, ony paıdalanýmen jáne saýdalaýmen aınalysatyn adamdardy quryqtaýǵa baǵyttalǵan birqatar jedel is-shara ótkizdi.
Atap aıtsaq, Talǵar aýdanynda jedel ýákilder 34 jastaǵy O. esimdi azamatty ustady. Onyń úıiniń aýlasynan salmaǵy 300 gr gashısh esirtkisi zaty tabyldy jáne tárkilendi. Kúdikti azamat buǵan deıin de tártip saqshylarynyń nazaryna ilikken. 2018 jyly ol urlyq jasaǵany úshin qylmystyq jaýapqa tartylǵany belgili boldy.
Sondaı-aq, Tekeli qalasynyń tártip saqshylary taǵy bir nashaqordy anyqtady. Er adamnyń ózimen birge marıhýana alyp júrgeni anyqtaldy.
Kúdiktiniń aıtýynsha, esirtkini birneshe jyldan beri tutynatyndyqtan ol ony ózi úshin saqtaıdy.
Talǵar aýdanynda quramynda esirtkisi bar zattardyń zańsyz aınalymyna qatysty eki derek anyqtalyp, eki adam qamaýǵa alyndy.
Barlyq ustalǵandarǵa qatysty QR Qylmystyq kodeksiniń 296-babyna sáıkes, ıaǵnı «Esirtki, psıhotroptyq zattardy, sol tektesterdi saýdalaý maqsatynsyz zańsyz jumys isteý» deregi boıynsha qylmystyq is qozǵaldy.
Tergeý aıasynda tártip saqshylary aımaqqa esirtki jetkizý arnasyn da, olardyń arasynda yqtımal esirtki tutynýshylaryn anyqtaý maqsatynda aıyptalýshylarmen qarym-qatynas jasap júrgen azamattardy da tekseretin bolady.
Ustalǵandar ýaqytsha ustaý ızolıatoryna qamaqqa alyndy. Tergeý amaldary júrgizilýde.