Almaty oblysynda bir táýlikte 69 adamnan koronavırýs anyqtaldy
Sońǵy aptada ósimniń eń joǵary qarqyny Alakól, Qarasaı, Raıymbek, Kóksý, Sarqan aýdandary men Qapshaǵaı qalasynda baıqalady.
Sońǵy táýlikte koronavırýstyń 69 jaǵdaıy tirkeldi. Onyń ishinde 60 sımptomdyq jáne 9 sımptomsyz jaǵdaı.
Oblys óńirleri bólinisinde KVI aýrýshańdyǵy: Eńbekshiqazaq-2, Eskeldi-1, Jambyl-8, Іle-3, Qarasaı-19, Sarqan-3, Talǵar-4, uıǵyr-2, Qapshaǵaı qalasy-12, Taldyqorǵan qalasy 15 jaǵdaı tirkeldi.
«12 qańtardaǵy jaǵdaı boıynsha oblysta 58 484 koronavırýs juqtyrý jaǵdaıy zerthanalyq deńgeıde rastalǵan. Onyń ishinde 43 484 jaǵdaıda sımptomdar bar. 100 myń turǵynǵa shaqqanda koronavırýs juqtyrý kórsetkishi – 2662,9 qurady. Oblys boıynsha KVI ósý qarqyny sońǵy eki aptany salystyrǵanda 0,02% - dan 0,05% - ǵa deıin ulǵaıdy»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.