Almaty oblysynda bir otbasynyń úsh múshesi tutqyndaldy
TALDYQORǴAN. QazAqparat - Almaty oblysynda alaıaqtyq jasady degen kúdikpen bir otbasynyń úsh múshesi ustaldy. Ákesi, sheshesi jáne balasy qazir tergelip jatyr, dep habarlaıdy QazAqparat tilshisi.
Іs materıalyna sáıkes, Kóksý aýdanynyń erli-zaıypty turǵyndary 25 jastaǵy ulymen birge alaıaqtyq jasady dep aıyptalýda. Olar túrli aıla tásilmen adamdardyń senimine kirip, avtokólikter men maldaryn alyp, artynsha satyp otyrǵan. Osylaısha 9 jábirlenýshige keltirgen shyǵyn kólemi 6 mln teńgeden asyp ketken. Qazir ustalǵan azamattardyń budan basqa da qylmysqa qatysy bar-joǵy anyqtalýda. Eger de zardap shekkender bar bolsa, Taldyqorǵan qalalyq ІІB nemese osy nomerge habarlasýlaryńyzdy suraıdy. 8 7282 608067, 8 7074134373, 8 707 192 12 13
