Almaty oblysynda bir otbasynyń 4 adamy gazǵa ýlanyp kóz jumdy
Tótenshe jaǵdaılar departamentiniń málimetinshe, 52 jastaǵy úı ıesi men onyń úsh uly uıyqtap jatyp ýlanǵan. Bári kóz jumdy. Bul ýaqytta marqumnyń áıeli – balalardyń anasy úıde bolmaǵan.
Otbasy 2 aı buryn Taraz qalasynan kóship kelgen. Qaza tapqan balalardyń anasy 1973 jyly týǵan azamatsha Іle aýdanyndaǵy mektepterdiń birinde aspaz bolyp jumys isteıdi.
«6 qazan kúni tańǵy saǵat 5-te joldasy áıelin jumysqa aparyp, úıdegi uldaryna qaıtyp kelgen. Jumystan keıin úıge oralǵan áıel shamamen saǵat 16.00-de uldary men kúıeýiniń denesin tapqan»,- dep atap ótti vedomstvodan.
Anyqtalǵandaı, er adam úıindegi gaz-peshine 25 lıtrlik gaz ballonyn óz qolymen qosyp qoıǵan.
Almaty oblysy TJD gaz quraldaryn paıdalaný kezinde jazataıym oqıǵalardy boldyrmaý úshin azamattardan mynadaı erejeler men usynymdardy saqtaýdy suraıdy:
- jańa jylytý jabdyqtaryn ornatýdy bilikti mamandar júrgizýi tıis;
-gaz jabdyǵymen kez kelgen óz betinshe áreket etýge, tıisti ruqsatsyz gazdandyrýdy júrgizýge, gaz aspaptaryn jóndeý jáne qaıta ornalastyrý úshin kezdeısoq adamdardy tartýǵa tyıym salynady. Gazben baılanysty barlyq jumys túrlerin tek mamandandyrylǵan uıymdar oryndaýy kerek.
- gaz ballondary men gaz jabdyqtaryn tek osy ónimdi satýǵa sertıfıkaty bar mamandandyrylǵan uıymdardan satyp alý kerek. Óıtkeni, jumys istep turǵan Gaz aspaptaryn qaýipsiz paıdalaný jáne olardy tıisti jaǵdaıda ustaý úshin olardyń ıeleri jaýapty bolady. Eshqashan gaz qurylǵylaryn, sonyń ishinde gaz ballondaryn bógde adamdardan satyp almańyz.
Mamandardyń gaz jabdyqtaryn jyl saıyn tekserýi mindetti.
Foto: rgazeta.by