Almaty oblysynda bir kúnde 432 adamnan koronavırýs tabyldy
TALDYQORǴAN. QazAqparat - Almaty oblysynda bir kúnde 432 adamnan koronavırýs anyqtaldy, dep habarlaıdy QazAqparat tilshisi.
Sońǵy táýlikte KVI 432 jaǵdaıy tirkeldi. Onyń ishinde 364 sımptomdyq (84,3%) jáne 68 sımptomsyz (15,7%) jaǵdaı.
14 jasqa deıingi balalardyń ishinde -40, oqýshylar arasynda 20, stýdentter arasynda 3, muǵalimder arasynda 8, kúsh qurylymdarynyń qyzmetkerleri arasynda 4 jaǵdaı anyqtaldy.
Oblys óńirleri boıynsha KVI aýrýshańdyǵy Alakólde-54, Balqash-8, Eńbekshiqazaq-22, Eskeldi-6, Jambyl-36, Іle-26, Qarasaı-53, Qaratal-19, Kegen-6, Kerbulaq-31, Kóksý-1, Panfılov-27, Sarqan-22, Talǵar-26, Uıǵyr-8, Taldyqorǵan-62, Tekeli-12, Qapshaǵaıda 13 jaǵdaı tirkeldi.
«20 qańtardaǵy jaǵdaı boıynsha Almaty oblysynda KVI zerthanalyq rastalǵan 60 753 jaǵdaı tirkelgen. Onyń ishinde 45 780 jaǵdaı - sımptommen. 100 myń turǵynǵa shaqqanda KVI syrqattaný kórsetkishi – 2786,0 qurady. Sońǵy eki aptany salystyrý kezinde oblys boıynsha KVI ósý qarqyny 0,1%-dan (05.01-11.01) 0,6% - ǵa (12.01-19.01) deıin ulǵaıdy. Sońǵy aptada eń joǵary ósý qarqyny Alakól-1,5%, Jambyl-0,8%, Qarasaı-1,1%, Kerbulaq-1,5%, Raıymbek – 1,3%, Sarqan-1,1%, Talǵar-0,7%, Kegen-1,6% aýdandarynda baıqalady»,- delingen Almaty oblystyq sanıtarııalyq-epıdemıologııalyq baqylaý departamentiniń baspasóz qyzmeti taratqan habarlamada.
