Almaty oblysynda bir qora qoıdy aıdap ketken ury ustaldy
TALDYQORǴAN. QazAqparat - Almaty oblysynda sońǵy úsh kúnde mal urlyǵyna qatysty on qylmystyq istiń izi sýymaı ashyldy. Sonyń ishinde bir túnde elý qoıdy aıdap áketken kúdikti de quryqtalǵan, dep habarlaıdy QazAqparat tilshisi oblystyq Іshki ister departamentiniń baspasóz qyzmetine silteme jasap.
Aıta keterligi, Almaty oblysynyń aýmaǵynda 26-28 qańtar aralyǵynda «Mal urlyǵy» respýblıkalyq jedel-aldyn alý sharasy júrgizilgen bolatyn.
«Jedel aldyn alý sharasy barysynda oblysta 11 mal urlyǵy tirkelse, onyń 10-y izi sýymaı jatyp ashyldy. Atalǵan faktiler: Uıǵyr aýdanynda 3, Aqsý jáne Kerbulaq aýdandarynda 2 oqıǵadan tirkelip otyr. Bunymen qosa, buryn jasalǵan 26 urlyqtyń da beti ashyldy. Krımınaldy polıtsııa qyzmetkerleri úsh kún ishinde Almaty oblysy boıynsha urlanǵan 109 bas maldy ıelerine qaıtaryp berdi», - delingen habarlamada.
Aıta keterligi, jedel shara barysynda mal urlady degen kúdikpen 11 adam quryqtalyp, ýaqytsha ustaý ızolıatoryna qamalǵan.
«Sonymen qatar, Іle aýdanynyń turǵyny 51 mal bas qoıdy urlady degen kúdikpen ustaldy», - dep habarlaıdy tártip saqshylary.
