Almaty oblysynda bir aptada 60 mas júrgizýshi anyqtaldy

TALDYQORǴAN. QazAqparat - Almaty oblysy aýmaǵynda «Qaýipsiz jol» aldyn alý aptalyǵy ótti. Shara barysynda 60 júrgizýshiniń kólikti alkogoldi ishimdik iship júrgizgeni anyqtaldy, dep habarlaıdy QazAqparat tilshisi.

Aptalyq barysynda Almaty oblysynyń joldarynda jolda júrý erejelerin saqtamaǵan 4000-nan astam ákimshilik quqyqbuzýshylyq tirkeldi. 500-den astam kólik júrgizýshi jyldamdyqty asyryp, joldyń qarsy betine shyǵyp ketken. Jaıaý júrginshige jol bermegen 200-ge jýyq júrgizýshi jaýapqa tartyldy. Almaty oblystyq polıtsııa departamenti baspasóz qyzmetiniń ókilderi dál osyndaı zańbuzýshylyqtar qaıǵyly oqıǵalarǵa aparyp soǵatynyn atap ótti.

Jedel shara aıasynda jaıaý júrginshiler de jaýapqa tartyldy. Olarǵa qatysty 430 ákimshilik hattama toltyrylǵan.

Aıta ketý kerek, sońǵy aptada jaıaý júrginshilerdiń qatysýymen 4 jol-kólik oqıǵasy tirkelip, 2 adam qaza tapqan.