Almaty oblysynda bilim salasyna kompıýter satyp alýǵa 12,3 mlrd teńge bólingen
TALDYQORǴAN. QazAqparat – Almaty oblysynda bilim salasyna 80 myń kompıýter satyp alý úshin 12 mlrd 300 mıllıon qarjy bólingen. Onyń 8,3 mlrd teńgesi – respýblıkalyq, 4 mlrd teńgesi – jergilikti bıýdjet qarajaty. Bul jóninde Almaty oblysynyń ákimi Amandyq Batalov Qoǵamdyq keńes ókilderi aldyndaǵy esebinde aıtty, dep habarlaıdy QazAqparat tilshisi.
2020 jylǵy áleýmettik-ekonomıkalyq damý qorytyndylary týraly jıyn onlaın formatta ótti. Sharaǵa 100 den asa adam ıaǵnı, Keńes músheleri men depýtattar, aýdan ákimderi qatysty.
«Oqýshylar men kolledj stýdentteriniń qashyqtan bilim alýyna barlyq jaǵdaı jasaldy. 80 myń kompıýter satyp alý úshin 12,3 mlrd teńge qarjy bólindi. 23 myń 700 oqýshyǵa kompıýter ýaqytsha qoldanýǵa taratyldy. Al demeýshiler kómegimen 2110 tehnıka berildi», - dedi Amandyq Batalov.
Sondaı-aq óńir basshysy shalǵaıda turatyn oqýshylardy mektepke jetkizý úshin 1 mlrd teńge somasyna 70 jańa avtobýs satyp alynǵanyn aıtty.
Aıta keteıik, jalpy Almaty oblysy boıynsha oqýshylardyń sany 426 myńnan asady.
