Almaty oblysynda bilim berý ortalyǵy ashyldy
TALDYQORǴAN. QazAqparat - Almaty oblysyndaǵy Aqsý aýdanynyń ortalyǵy Jansúgirov aýylynda jańa bilim berý ortalyǵy ashyldy. «Sheber qoldar» dep atalatyn ortalyq «Nátıjeli jumyspen qamtý, jappaı kásipkerlikti damytý» baǵdarlamasy aıasynda qolǵa alyndy, dep habarlaıdy QazAqparat tilshisi.
Jeke kásipker Kúlzıra Tolymshahovanyń qysqa merzimdi kýrstarynda jumyssyz júrgen azamattar bir kásipti meńgerip, óz isin bastaýǵa múmkindik alady. Qazirgi tańda ortalyq tórt tigin mashınasymen tolyqqan. Mundaǵy tálimgerler memleket tarapynan 16 myń teńge kóleminde shákirtaqy alatyn bolady. Olarǵa bilikti mamandar dáris berip, tájirbıesimen bólisýde.
Oqý ortalyǵynan bilim alyp, bir kásip ıesi ataný úshin jumyspen qamtý bólimine jumyssyz dep tirkelip, joldama alý kerek. Kúlzıra Tolymhanovanyń aıtýynsha, qazirgi tańda 12 adam tiginshilikti meńgerýge ynta bildirgen. Aldaǵy ýaqytta suranysqa baılanysty halyqqa qyzmet kórsetý salasyna qajet aspaz, shashtaraz syndy mamandyqtardy qosý josparlanyp otyr.
