Almaty oblysynda bılik ókiline til tıgizgen 15 adamnyń isi sotqa jóneltildi
TALDYQORǴAN. QazAqparat - Almaty oblysynda jyl basynan beri 15 qylmystyq is qozǵalyp, sotqa jiberildi, dep habarlaıdy QazAqparat tilshisi.
Almaty oblystyq ІІD qyzmetkerleri polıtseılerge jáne basqa da bılik ókiline baǵynbaı, qarsylyq kórsetken faktilerge erekshe nazar aýdara bastady. Sońǵy eki aıda 15 jaǵdaı tirkelip, osy faktiler boıynsha tártip saqshylary tergeý jumystaryn aıaqtady. QR QK 378-baby boıynsha qylmystyq ister qozǵalyp, materıaldar sotqa jóneltildi. Olardyń ishinde 3 is QR QK 380-babymen bılik ókiline kúsh qoldaný boıynsha qarastyrylyp otyr. Zańdy buzǵan kúdiktiler aıyppul tólep, uzaq merzimge bas bostandyǵynan aıyrylýy múmkin.
Esterińizge sala keteıik, Taldyqorǵan qalasy ákiminiń burynǵy orynbasary Asqar Tutybaev ózine Taldyqorǵan qalasy ákiminiń burynǵy keńesshisi Almasbek Sadyrbaev qol kóterdi dep sotqa aryzdanǵan bolatyn. Sońynda Almasbek Sadyrbaev bir jylǵa sottalyp, artynsha apellıatsııalyq shaǵym túsirip, jazasy shartty túrge aýystyryldy. Al istiń osynshama nasyrǵa shabýyna qoıdyń júnine tólenetin sýbsıdııaǵa Asqar Tutybaevtyń qol qoımaǵany sebep bolǵan edi.
