Almaty oblysynda bes kósheni sý basty - TJD
TALDYQORǴAN. QazAqparat - Kesheden beri Almaty oblysynda bes kósheni sý basyp, bes úıge sý kirip, 70 aýla qyzyl sýdyń astynda qalǵan, dep habarlaıdy QazAqparat tilshisi.
Oblystyq TJD baspasóz qyzmetiniń sońǵy taratqan málimetine súıensek, búgin aýlalardy sý basý jaǵdaıy Eńbekshiqazaq, Jambyl, Talǵar, Aqsý aýdandary jáne Taldyqorǵan qalasynda tirkelgen. Oqıǵa oryndarynda 326 adam jáne oblystyq TJD-nen 177 maman jumys istep, tabıǵat apatymen kúresýde. Bul jumystarǵa 132 tehnıka jáne 22 motopompa jumyldyrylyp, 2500 tekshe metr sý sorylǵan.
Sondaı-aq, TJD qyzmeti, qazirgi jaǵdaıda basqalarǵa qaraǵanda qyzyl sýdan kóbirek japa shekken Jambyl aýdanynyń Qaınazar aıylynda jáne Uzynaǵash eldi mekeninde jaǵdaı tolyq qalpyna kelip, turaqtalǵanyn málim etti.
Al Talǵar aýdanyndaǵy Tuzdybastaý jáne Qyzyltý aýyldarynda jumystar áli júrip jatyr. Sý basqan 35 aýlanyń 23-i tazalanǵan. Bul jerlerden jalpy 2800 tekshe metr sý shyǵarylǵan.
«Turǵyndardan tabıǵattyń tosyn syıyna túsinistikpen qaraýdy suraımyz. Jáne sý basý qaýpin aldyn alý maqsatynda úılerdiń aýlalaryn jáne aryq júıelerin tazalap otyrýǵa shaqyramyz», - delingen TJD taratqan habarlamasynda.
Aıta ketý kerek, qazir Almaty oblysynyń keı jerlerine jaýyn jaýyp tur.
