Almaty oblysynda bes aı buryn joǵalǵan jasóspirim tabyldy
TALDYQORǴAN. QazAqparat - Almaty oblysynda bes aı buryn joǵalǵan 16 jastaǵy qyz tabyldy. Onyń jarty jyldaı ýaqytta týǵan tátesiniń úıinde jasyrynyp jatqanyn anasyna eshbir adam aıtpaǵan, dep habarlaıdy QazAqparat tilshisi.
Sebebi kámelettik jasqa tolmaǵan qyz bala anasyna habar bermeýdi suraǵan Óıtkeni óz áreketin 16 jastaǵy qyz «úıdegi kıkiljińnen sharshadym» dep túsindirgen. Al Talǵar aýdandyq ІІB-ne qyzdyń 53 jastaǵy anasy tamyz aıynda onyń joǵalyp ketkeni jóninde aryzdanǵan.
Ol Qyrǵyzstannan anasymen taıaýda kóship kelgendikten jasóspirimdi izdeý qıynǵa soqqan. Іzdeý jumystarynyń nátıjesinde, 16 jastaǵy qyz bala Almatydaǵy tátesiniń jaldamaly úıinde jasyrynǵany anyqtaldy.
«Qazirgi tańda jasóspirim anasymen birge. Onyń buǵan deıin de birneshe ret úıden qashyp ketkeni belgili boldy. Osy jaıtqa baılanysty ıývenaldy polıtsııa qyzmetkerleri tıisti shara qoldaný úshin balanyń qashýyna ne túrtki bolǵanyn anyqtap jatyr», dep málim etti oblystyq ІІD baspasóz qyzmeti.
Taǵy bir ózekti jaıt, bala Qazaqstanǵa kelgeli mektepke barmaǵan. Qazir qyzdyń sabaq oqymaı jatqandyǵy jóninde bilim mekemesindegilerge habarlandy.
