Almaty oblysynda bekire tuqymdas balyqty zańsyz aýlaǵan kúdiktiniń ústinen qylmystyq is qozǵaldy

TALDYQORǴAN. QazAqparat - Almaty oblysynyń polıtseıleri bekire balyǵyn zańsyz aýlaǵan kúdiktini qolǵa túsirdi, dep habarlaıdy QazAqparat tilshisi.

«Panfılov aýdanynyń Tabıǵatty qorǵaý polıtsııasynyń qyzmetkerleri jedel aldyn alý is-sharasyn ótkizý barysynda bekireniń (osetr) zańsyz aýlaý deregin anyqtady. Jedel aqparatty tekserý barysynda, Іle ózeniniń jaǵasynda qarmaqty paıdalanyp, joıylyp ketý qaýpi tóngen balyqty aýlaǵan Panfılov aýdanynyń 59 jastaǵy turǵyny ustaldy», - dedi Almaty oblysy PD JPQB TQPT aǵa ınspektory, polıtsııa kapıtany Baǵlan Rymjanov.

Búgingi tańda kúdiktige qatysty QR QK 339-baby 1-tarmaǵy (sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerin aýlaý) boıynsha qylmystyq is qozǵaldy.