Almaty oblysynda bekettegi polıtseılerge psıhologııalyq kómek kórsetilýde

TALDYQORǴAN. QazAqparat - Almaty oblysynda polıtsııa qyzmetkerlerine psıholog-ınspektorlar kómektesedi, dep habarlaıdy QazAqparat tilshisi.

Arnaıy trenıngter qyzmetkerlerdiń shydamdylyǵyn shyńdap, sabyrlyq saqtaý, azamattarmen qarym-qatynas, ásirese qyzmet kezinde týyndaıtyn qıyn sátterde arandatýshylarmen baılanys kezinde ózin oryndy ustaýdy úıretedi.

«Beketterdiń jumysyna jumyldyrylǵan qyzmetkerlerge moraldyq-psıhologııalyq kómek kórsetý – ýaqyt talaby. Ol qyzmetkerlerdiń ekstremaldy jaǵdaıdaǵy áreketterge qyzmetkerlerdiń psıhologııalyq daıarlyǵyn shyńdaýǵa, olardyń moraldyq jáne fızıkalyq sharshaýyn jeńildetýge, ishki ister organdary qyzmetkerleriniń moraldyq-psıhologııalyq jaǵdaıyn jaqsartýǵa negizdeledi»,- dedi Almaty oblysy PD psıholog-ınspektory Alına Atabaeva.

Atalǵan baǵyttaǵy qoıylǵan mindetterdi iske asyrý úshin tıisti mamandardan quralǵan arnaıy shaǵyn toptar quryldy. Top músheleri búgin blok-beketterdi aralady. Qyzmetkerlerge ádistemelik-praktıkalyq kómek qyzmet oryndarynda kórsetiledi.

«Biz tártip saqshylary jumyldyrylǵan barlyq beketterdi aralap shyǵýdy josparlap otyrmyz. Birinshi kúni júzden astam qyzmetkerge kómek kórsetildi. Jumys josparly túrde kestege sáıkes jasalady»,- dedi Alına Atabaeva.

Fızıkalyq jattyǵýlar psıhıkalyq-emotsııanaldyq sharshaýdy basýǵa kómektesedi. Sonymen qatar, kóshpeli trenıngter kezinde «Maınd mashına» aýdıovızýaldy apparaty qoldanylady. Ol mıdy aýdıovızýaldy yntalandyrý arqyly qyzmetkerdiń emotsıonaldy jeńildeýine kómektesedi.

Aıta keteıik, búgingi kúni Almaty oblysynda 118 beket jumys isteıdi. Onyń ishinde – 77 sanıtarlyq jáne 41 joldy bógeý jáne blok-beketteri bar. Beketterdiń jumysyna 1000 jýyq qyzmetker jumyldyrylǵan.