Almaty oblysynda bazar órtendi
ASTANA. QazAqparat - Almaty oblysynda bazar dúńgirshekteri órtendi, dep habarlaıdy QazAqparat QR ІІM Tótenshe jaǵdaılar komıtetine silteme jasap.
Oqys oqıǵa Jambyl aýdany Uzynaǵash aýylyndaǵy «Daraboz» bazarynda bolǵan.
«Órt týraly habar 2018 jyldyń 17 qazanynda saǵat 15:40-ta kelip tústi. Ony sóndirýge Almaty oblysynyń TJD «Órt sóndirý qyzmeti jáne apattyq qutqarý jumystary» MM qyzmetkerleri jumyldyryldy. Tilsiz jaý 16:59-da toqtatyldy jáne 17:40-ta tolyq sóndirildi», - dep habarlady QR ІІM Tótenshe jaǵdaılar komıtetiniń resmı ókili Nursultan Nurahmetov.
Órttiń jalpy aýmaǵy 168 sharty metrdi qurady. Saldarynan saýda pavılonynyń shatyry men plastıkalyq dúńgirshekter órtengen. Oqıǵadan eshkim zardap shekken joq.
