Almaty oblysynda baýkespe jaıylymnan 60 qoıdy urlap ketken
TALDYQORǴAN. QazAqparat - Almaty oblysynda baýkespe jaıylymnan 60 qoıdy urlap ketken, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, 17 maýsymda Jambyl aýdanynyń polıtsııasyna Almaty qalasynyń 54 jastaǵy turǵyny aryz túsirgen. Jalpy shyǵynyń 3 mln teńgeden astam somaǵa baǵalaǵan aryzdanýshy jaıylymnan 60 qoıy urlanǵanyn jetkizgen. Atalǵan derek QR QK-niń 188-1-babynyń 2-bóligi 2-tarmaǵy boıynsha tirkeldi.
Tártip saqshylary bir kún ishinde Býrgan aýylynyń 41 jastaǵy turǵynyn anyqtap, ustady. Ol urlyq jasaǵanyn tolyq moıyndady. Іz kesýshiler kúdiktiden 4 qoıdy tárkilegen jáne ol ózinen 55 bas usaq maldy satyp alǵan adamdy kórsetken. Taǵy bir qoı kúdiktiniń tanysynan alyndy.
Barlyq urlanǵan mal zańdy ıesine qaıtaryldy.
Ustalǵan azamat buryn mal urlyǵy úshin eki ret sotty bolǵan. Qazir ol ýaqytsha ustaý oqshaýlaǵyshyna qamaldy. Sotqa deıingi tergeý amaldary sheńberinde onyń osyǵan uqsas basqa da qylmystarǵa qatysy bar-joǵy tekseriledi.
