Almaty oblysynda baýkespe ury oqýshylardy tonady degen kúdikke ilikken
TALDYQORǴAN. QazAqparat - Almaty oblysynyń polıtseıleri mektep oqýshylaryn tonady degen kúdikpen Іle aýdanynyń 35 jastaǵyturǵynyn ustady, dep habarlaıdy QazAqparat tilshisi.
15 jeltoqsan kúni polıtsııaǵa Іle aýdanynyń turǵyny júginip, ulyn belgisiz bireý tonap ketkenin málimdeıdi. Sol shaǵym boıynsha Іle aýdandyq polıtsııasy jedel izdestirý sharalaryn júrgizip, osy taqylettes qylmystary úshin buryn birneshe ret sotty bolǵan er adamdy qolǵa túsirgen.
«Ustalǵan er adam buǵan deıin de birneshe ret osyndaı qylmystary úshin sottalǵan. Qazir onyń sońǵy bir jarym aıda Іle aýdanynyń aýmaǵynda tirkelgen eki qaraqshylyq deregine qatysy bar-joǵy tekserilip jatyr. Osy eki jaǵdaıda da 7-8 synyp oqýshylarynan uıaly telefonyn tartyp alǵan. Ol telefondardyń bir bóligi alypsatarlardyń qolynan tabylyp, tárkilendi. Qazir kúdiktiniń osy sııaqty basqa da qylmystarǵa qatysy tekserilip jatyr», - dep málimdedi Almaty oblystyq polıtsııa departamentiniń baspasóz qyzmeti.
Polıtseılerdiń aıtýynsha, kúdikti, aýdandyq polıtsııanyń ýaqytsha ustaý oqshaýlaǵyshyna qamalǵan.
