Almaty oblysynda baýkespe ury qylmys ústinde ustaldy
TALDYQORǴAN. QazAqparat - Almaty oblysynda polıtseıler baýkespe uryny qylmys ústinde ustady, dep habarlaıdy QazAqparat tilshisi.
«Іle aýdanynyń tártip saqshylary maýsym aıynyń sońynan bastap aýdan turǵyndarynyń múlkin urlaýdy kásip qylǵan kúdiktini ustady. Ol buǵan deıin sottalǵan Almaty qalasynyń 34 jastaǵy turǵyny bolyp shyqty. Kúdikti azamat qulyptardy buzý nemese platıkalyq terezeler arqyly úıge kirip, satýǵa bolatyn dúnıelerdi úptep ketip otyrǵan»,- dedi Almaty oblysy PD resmı ókili Serik Úpıev.
Polıtsııa ókiliniń habarlaýynsha, kúdikti turǵyndardyń úıinen elektr quraldardy, noýtbýk, túrli-tústi metaldardy jáne satýǵa turarlyq dúnıelerdi urlaǵan. Qoldy bolǵan dúnıeler satyp alýshylardan tabylyp, tárkilendi. Sonymen qatar, kúdikti keltirgen materıaldyq shyǵyndar eseptelýde.
«Ustalǵan kúdiktiniń Іle aýdanynyń aýmaǵynda maýsymnyń sońy men shilde aıynyń basynda oryn alǵan 9 urlyq deregin jasaǵany dáleldendi. Qazirgi ýaqytta atalǵan derekterge qatysty sotqa deıingi tergeý amaldary júrgizilýde. Onyń ózge de qylmystarǵa qatysy bary anyqtalýda. Kúdikti aýdandyq polıtsııanyń ýaqytsha ustaý oqshaýlaǵyshyna qamaldy»,- dedi tártip saqshylary.
