Almaty oblysynda basshysyn óltirgen polıtseıge úkim shyqty
TALDYQORǴAN.QazAqparat - Almaty oblysynyń qylmystyq ister jónindegi mamandandyrylǵan aýdanaralyq sotynda bastyǵyn atyp óltirgen polıtseıge úkim shyqty, dep habarlaıdy QazAqparat tilshisi.
Dostyq stantsııasyndaǵy Jelilik ІІB-niń jedel ýákili bolyp qyzmet atqarǵan polıtsııa qyzmetkeri 8 jyl 6 aıǵa bas bostandyǵynan aıyryldy. Kisi óltirý oqıǵasy Alakól aýdanyndaǵy Beskól eldi mekeninde bolǵan. 2017 jyly qyrkúıek aıynyń 14-nen 15-ne qaraǵan túni D.esimdi azamat bastyǵyna oq atqan.
Sot úkimimen QR QK 99-babynyń 1-bóligine sáıkes D. kináli dep tanyldy. Sottalýshy jazasyn qylmystyq-atqarý júıesiniń qaýipsizdigi barynsha joǵary mekemelerinde óteý taǵaıyndaldy.
Úkim zańdy kúshine engen joq.
