Almaty oblysynda bas sanıtardyń jańa qaýlysy shyqty

TALDYQORǴAN. QazAqparat - Almaty oblysynyń bas sanıtar dárigeriniń jańa qaýlysy boıynsha maska rejımi saqtalýy tıis nysandarǵa qoıylatyn talaptar belgilendi,- dep habarlaıdy QazAqparat tilshisi.

«Osy qaýlyǵa qosa berilgen 1-qosymshaǵa sáıkes memlekettik organdarǵa (uıymdarǵa), ulttyq kompanııalarǵa, bıznes-ortalyqtaryna jáne basqa da keńselerge qoıylatyn talaptar saqtalsyn», - delingen qaýlyda.

Ol talaptar mynadaı:

1. Jumys oryndaryn jáne kelýshiler úshin bólmelerin turaqty jeldetip otyrý qajet.

2. Obektiniń úı-jaılaryna maskasyz kirýge jol berilmeıdi, ǵımaratqa kelýshilerdiń 5 jasqa deıingi balalardan basqalarynyń bári mindetti túrde maska kııýi kerek.

3. Kireberiste, holda, sanıtarııalyq toraptarda teri antıseptıgi bar sanıtaızerler ornatylady.

4. Organnyń (uıymnyń) ákimshiligi:

1) sanıtarııalyq toraptar jeke gıgıena quraldarymen (suıyq sabyn, antıseptıkter);

2) jumys kúni ishinde maskalardy olardy ýaqtyly aýystyrý shartymen paıdalanýdy;

3) antıseptıktermen jumys oryndaryn;

4) qyzmetkerler arasynda jeke/óndiristik gıgıena qaǵıdalaryn saqtaý jáne olardyń múltiksiz saqtalýyn baqylaý qajettiligi týraly nusqama júrgizýdi qamtamasyz etedi.

5. Obektilerdiń aýmaǵy jáne barlyq úı-jaılar taza ustalady, kún saıyn qoqystan jáne lastan tazartylady.

6. Barlyq úı-jaılardy jınaý jýý jáne dezınfektsııalaý quraldaryn qoldana otyryp, kún saıyn ylǵaldy tásilmen jeldetý júrgiziledi.

7. Dezınfektsııalaý júrgizý úshin Qazaqstan Respýblıkasy men Eýrazııalyq ekonomıkalyq odaq aýmaǵynda tirkelgen jáne belgilengen tártippen qoldanýǵa ruqsat etilgen jáne Eýrazııalyq ekonomıkalyq odaq elderiniń memlekettik tirkeý týraly kýálikteriniń biryńǵaı tizilimine engizilgen quraldar qoldanylady.

8. Dezınfektsııalaý quraldary vırýstyq ınfektsııalar kezinde dezınfektsııalaý rejımi kórsetilgen olarǵa qosa beriletin nusqaýlyqtardy qatań saqtaǵan kezde qoldanylady.

9. Dezınfektsııalaý quraldarynyń jumys eritindilerin daıyndaý arnaıy bólingen orynda júzege asyrylady. Dezınfektsııalaý quraldary ónim berýshiniń ydysynda (qaptamasynda) zattyń ataýy, onyń maqsaty, zattańbadaǵy jaramdylyq merzimi kórsetile otyryp saqtalady. Ydystyń zattańbasy dezınfektsııalaý quralyn saqtaýdyń (paıdalanýdyń) barlyq kezeńinde saqtalady.

10. Tehnıkalyq personal (tazalaýshy áıelder) dezınfektsııalaýdy jeke qorǵanysh quraldaryn: halat, qolǵap, medıtsınalyq maskani paıdalana otyryp júrgizedi.

11. Densaýlyq jaǵdaıy boıynsha qarsy kórsetilimderi joq kámeletke tolǵan adamdar dezınfektsııalyq quraldarmen jumys isteıdi.