Almaty oblysynda barymtashylardan qarý men esirtki tabyldy
TALDYQORǴAN. QazAqparat - Almaty oblysynda qos barymtashynyń birneshe qylmysqa qatysy bar ekeni dáleldendi. Sondaı-aq olardy tintý kezinde úıinen qarý men esirtki tabyldy, dep habarlaıdy QazAqparat tilshisi.
Barymtashylardy krımınaldy polıtsııa basqarmasynyń qyzmetkerleri jergilikti polıtseılermen Aqsý aýdanynda qolǵa túsirdi. Biri 1978 jylǵy, ekinshisi 1983 jyly týǵan. Ekeýi de Qapal aýylynyń turǵyndary. Kúdiktilerdiń bıyldyń ózinde 6 jylqy men 7 iri qara aıdap áketip, 6 qylmysqa qatysy bar ekeni anyqtaldy. Maldyń biraz bóligi ıelerine qaıtaryldy. Azamattardy tintý barysynda biriniń úıinen eki sholaq myltyq pen oq-dári, 300 gramm gashısh tabyldy. Al ekinshisiniń úıinen marıhýana men gashısh tárkilendi.
Almaty oblystyq polıtsııa departamentiniń baspasóz qyzmeti osy faktige sáıkes QR QK 188, 296 jáne 287 baptary boıynsha sotqa deıingi tergeý júrip jatqanyn atap ótti. Sondaı-aq kúdiktilerdiń basqa da osyǵan uqsas qylmystarǵa qatysynyń bar-joǵy anyqtalyp jatyr.
