Almaty oblysynda barlyq mektepter dástúrli formatta jumys isteıdi
TALDYQORǴAN. QazAqparat - Almaty oblysynda barlyq mektepter dástúrli formatta jumys isteıdi, dep habarlaıdy QazAqparat tilshisi.
«2021-2022 oqý jylynda barlyq menshik nysanyndaǵy jáne vedomstvolyq baǵynystaǵy bilim berý, sondaı-aq mektepke deıingi bilim berý uıymdarynda Qazaqstan Respýblıkasy Bas memlekettik sanıtarııalyq dárigeriniń 2021 jylǵy 25 tamyzdaǵy №36 qaýlysynyń talaptaryn saqtaı otyryp dástúrli formatta oqýdy júrgizý qamtamasyz etilsin»,- delingen
Almaty oblysynyń Bas memlekettik sanıtarııalyq dárigeri Erǵalı Sydymanovtyń 27 tamyz kúni shyqqan N18 qaýlysynda.
Aıta keteıik, Qazaqstan Respýblıkasy Bas memlekettik sanıtarııalyq dárigeriniń 2021 jylǵy 26 tamyzdaǵy №37 qaýlysyna sáıkes, mektepterge tómendegideı talaptar qatań saqtalýy tıis.
- pedagogtar men personaldyń 100% vaktsınatsııalanýy (turaqty medıtsınalyq qarsy kórsetilimderi bar adamdardy, COVID-19 aýyryp saýyqqan adamdardy saýyqqannan keıin 3 aı ishinde qospaǵanda);
- uıymǵa kirý kezinde «Ashyq» qosymshasyn engizý (pedagogtardy, personaldy, ata-analardy (zańdy ókilderdi), 18 jáne odan joǵary jastaǵy bilim alatyn kelýshilerdi QR-kod (check-in) boıynsha tirkeý);
- maska rejımin saqtaý;
- retsırkýlıatorlardyń, sanıtaızerlerdiń, teri antıseptıkteriniń, dezınfektsııalaý jáne jýý quraldarynyń jetkilikti sanymen qamtamasyz etý júktelgen.
Sonymen qatar, synypta COVID-19 aýrýynyń 1 jaǵdaıy tirkelgen kezde sol synyp tolyq 14 kún boıy úı karantınine oqshaýlanady.
