Almaty oblysynda «Bári de rahmet úshin!» dúkeni ashyldy
TALDYQORǴAN. QazAqparat - «Bári de rahmet úshin!» dúkeni Kerbulaq aýdanynyń ortalyǵy Saryózek aýylynda ashyldy, dep habarlaıdy Qazaqparat tilshisi.
Áleýmettik mańyzy bar jobany aýdandyq Іsker áıelder keńesiniń tóraıymy Kúlsara Ámreeva júzege asyrdy. Qazirdiń ózinde «Áıgerim» dámhanasynyń ishinde ornalasqan dúkenge 1000-ǵa jýyq jańa zat jınaldy. Onda áleýmettik jaǵdaıy tómen azamattar qajetti zattardy tegin ala alady. Sondaı-aq, jobany aýdandyq kásipkerler palatasynyń fılıaly, ákimdik pen turǵyndar qyzý qoldady. Qaıyrymdy jandardyń ákelgen zattaryn qabyldaý men kelýshilerge qyzmet kórsetý úshin áleýmettik baǵdarlamalar men jumyspen qamtý bóliminiń baǵyty boıynsha dúkenge bir qyzmetker jumysqa alyndy.
«Búgingi tańda qoǵamda qarjylyq jáne rýhanı qoldaýǵa zárý jandar óte kóp. Biz bıznes ókilderi adamǵa qıyn sátte kómek qolyn sozýdyń mańyzdylyǵyn jaqsy bilemiz. Dúkendegi zattar az qamtylǵan, kópbalaly januıalardyń qajetine jaraıdy degen oıdamyn», - dedi Kúlsara Ámreeva.
Aıta keteıik, aýdanda ashylǵan «Bári de rahmet úshin!» dúkeni Almaty oblysy kásipkerler palatasy janyndaǵy isker áıelder keńesiniń ekinshi jobasy. Osyǵan deıin áleýmettik dúken Taldyqorǵan qalasynda ashylǵan bolatyn.
