Almaty oblysynda bankomatty qıratyp, aqsha almaq bolǵan uryny taba almaı jatyr
TALDYQORǴAN. QazAqparat - Almaty oblysynda bankomatty qıratyp, 4 mln teńgeden astam qarjyny qoldy etpek bolǵan ury áli tabylmaı jatyr. Oqıǵa Kerbulaq aýdanynyń Saryózek aýylynda bolǵan, dep habarlaıdy QazAqparat tilshisi.
Eldi eleń etkizgen jaǵdaı 17 aqpanda boldy. Alaıda, ury áli tabylǵan joq. Іzdestirilip jatyr.
Aıta ketý kerek, atalǵan fakti boıynsha QR Qylmystyq kodeksiniń eki birdeı baby ıaǵnı, 24 jáne 188 babyna sáıkes is qozǵaldy. Oblystyq ІІD baspasóz qyzmetiniń jetekshisi Aıman Myrzekovanyń aıtýynsha, ury bankomatty tonamaq bolǵan. Dúkenniń ishinde ornalasqan qondyrǵyny gazben dánekerleý qurylǵysymen qıratyp, aqshany qoldy etkisi kelgen. Biraq, aılakerdiń oıy júzege aspady. Bankomatty buzyp jatqan sátinde ishindegi aqshalarǵa shoq tıip, órtene bastaǵan. Dúkenniń ishin tútin basyp, dabylqaqqysh qurylǵysy qosylǵan. Sol sátte ury lezde izin sýytyp úlgergen. Ǵımarattyń esigin qıratyp, ishke engen azamattyń kim ekeni belgisiz. Al bankomatta 4 mln teńgeden astam qarjy bolǵan.
