Almaty oblysynda bankomatty qıratyp, aqsha almaq bolǵan ury tabylmaı jatyr

TALDYQORǴAN. QazAqparat - Almaty oblysynda bankomatty qıratyp, 4 mln teńgeden astam qarjyny qoldy etpek bolǵan ury tabylmaı jatyr. Oqıǵa Kerbulaq aýdanynyń Saryózek aýylynda bolǵan, dep habarlaıdy QazAqparat tilshisi.

Qazir atalǵan fakti boıynsha QR Qylmystyq kodeksiniń eki birdeı baby ıaǵnı, 24 jáne 188 babyna sáıkes is qozǵaldy.

Oblystyq ІІD baspasóz qyzmetiniń jetekshisi Aıman Myrzekovanyń aıtýynsha, ury bankomatty tonamaq bolǵan. Dúkenniń ishinde ornalasqan qondyrǵyny gazben dánekerleý qurylǵysymen qıratyp, aqshany qoldy etkisi kelgen. Biraq, aılakerdiń oıy júzege aspady. Bankomatty buzyp jatqan sátinde ishindegi aqshalarǵa shoq tıip, órtene bastaǵan. Dúkenniń ishi kók tútin bolyp, dabylqaqqysh qurylǵysy qosylyp, ury lezde izin sýytyp úlgergen.
Ǵımarattyń esigin qıratyp, ishke engen azamat áli izdestirilip jatyr. Al bankomatta 4 mln teńgeden astam qarjy bolǵan. Naqty qansha qarajat jaramsyz bolyp qalǵany belgisiz.