Almaty oblysynda balyqqa ketken 4 adam izdestirilip jatyr
TALDYQORǴAN. QazAqparat - Almaty oblysynda balyq aýlaýǵa ketip, úılerine oralmaǵan 4 adam izdestirilýde. Olardyń ekeýi bir aıǵa jýyq ýaqyttan beri tabylmaı jatyr, - dep habarlaıdy QazAqparat tilshisi.
Dál qazirgi ýaqytta qutqarýshylardyń jumystary Qapshaǵaı sý qoımasy, Іle aýdanynyń Jetigen aýylyndaǵy Іle ózeninde, sonymen qatar Balqash aýdanyndaǵy Baqbaqty aýylyndaǵy Іle ózeninde júrgizilip jatyr.
Almaty oblystyq Tótenshe jaǵdaılar departamenti baspasóz qyzmetiniń málimetinshe, 24 qarasha kúni Qapshaǵaı sý qoımasynda 2 balyqshy joǵalyp ketken. Boljam boıynsha, iz-túzsiz ketkender qaıyqpen balyq aýlaýǵa shyqqan. Qazir eki adamdy 3 qutqarýshy izdestirip jatyr.
Al taǵy eki adam joǵalǵan. Onyń biri Іle aýdanynda, ekinshisi Balqash aýdanynda habar-osharsyz ketken.
Máselen 1969 jylǵy Nıkrasov A. A. esimdi azamat 21 qarashadan beri habar-osharsyz. Boljam boıynsha ol Іle aýdanynyń Jetigen aýylyndaǵy Іle ózeninde balyq aýlap otyrǵan sátinde sýǵa batyp ketýi múmkin. Búgin azamatty izdeýge 4 qutqarýshy shyqty.
Al Balqash aýdanynyń Baqbaqty aýylyndaǵy Іle ózeninde 27 qarasha kúni joǵalǵan 1984 jylǵy azamatty izdeýge 11 jumysshy jumyldyrylǵan.
Joǵalǵan Lı B. A. esimdi azamat boljam boıynsha balyq aýlap otyrǵanda sátinde sýǵa batyp ketken bolýy múmkin.
Esterińizge sala keteıik, 20 qarasha kúni Almaty oblysyndaǵy Balqash kóline balyq aýlaýǵa ketken erli-zaıyptylardyń óli deneleri tabylǵan bolatyn. Aıagóz aýdany turǵyndarynyń múrdeleri 11 kúnnen keıin tabylǵanyn habarlaǵan bolatynbyz.
