Almaty oblysynda balyq aýlaýǵa ketken tórt adam iz-túzsiz joǵaldy
TALDYQORǴAN. QazAqparat - Almaty oblysynda balyq aýlaýǵa ketken tórt adam iz-túzsiz joǵaldy. Іzdestirý jumystary áli jalǵasyp jatyr, dep habarlaıdy QazAqparat tilshisi.
Oblystyq TJD baspasóz qyzmetiniń ókili Azamat Jurtbaev bul aqparatty rastady.
«Qazir tórt adamdy izdestirý jumystary júrip jatyr. Joǵalǵan azamattar 1985 pen 1990 jylǵy. 8 jeltoqsan kúni eki adam Іle aýdanyndaǵy Sorbulaq sý qoımasyna balyq aýlaýǵa ketken. 11 kúni olardyń joǵalǵandyǵy jóninde aqparat TJD kelip tústi. Al 24 jeltoqsanda taǵy eki adam dál osy sý qoımasyna balyq aýlaýǵa ketip, iz-tússiz joǵaldy», - dedi Azamat Jurtbaev.
