Almaty oblysynda Balqash kóline batqan qyz qutqaryldy
TALDYQORǴAN. QazAqparat- Almaty oblysynda Balqash kóline batqan 7 jastaǵy qyz bala qutqaryldy. Ol úlkenderdiń qaraýynsyz jaǵadan 50 metrge úrlemeli ballonmen júzip ketken. Artynsha sýǵa bata bastaǵan, dep habarlaıdy QazAqparat tilshisi.
Oqıǵa 14 shilde kúni 15 saǵat 40 mınýtta Balqash kóliniń «Jetisý» demalys aımaǵynyń jaǵalaýynda bolǵan.
«Osy kezde Almaty oblystyq TJD qutqarýshylary jaǵalaýda patrýldeý júrgizgen. Olar sýǵa batyp bara jatqan balany baıqap qalyp, jaǵaǵa jetkizdi. Júrek pen jasandy tynys alý arqyly tynys alýdy qalpyna keltirdi. Sodan soń balany jedel medıtsınalyq járdem brıgadasyna tapsyrdy», dep málimdedi oblystyq TJD baspasóz qyzmetinen.
Anyqtalǵandaı 2011 jyly týǵan qyz bala ata-anasymen demalysta júrgen. Olar - Taldyqorǵan qalasynyń turǵyndary.
