Almaty oblysynda balalardy vaktsınalaý máselesi kún tártibinde turǵan joq - ákimdik

NUR-SULTAN. QazAqparat – Almaty oblysynda jasóspirimderdi vaktsınalaý boıynsha qandaı da bir daıyndyq júrgizile me? Ortalyq kommýnıkatsııalar qyzmetinde ótip jatqan brıfıngide Almaty oblysy ákiminiń orynbasary Batyrjan Baıjumanovqa BAQ ókilderi osyndaı suraq qoıdy, dep habarlaıdy QazAqparat tilshisi.

«Balalardy vaktsınatsııa máselesi áli sheshilgen joq. Biz ata-analardan balasy týraly eshqandaı derek jınap jatqan joqpyz. Qyzylorda oblysynda balalardyń derekterin jınap jatqany týraly aqparat tarady. Bul feık boldy dep oılaımyn. Qalaı bolǵanda da, bul málimet rastalǵan joq. Eger ondaı jumys júrgizilgen bolsa, búkil eldi qamtýy kerek. Dál búgin balalardy vaktsınalaý máselesi týyndap turǵan joq», - dedi Batyrjan Baıjumanov.

Atalmshy sharada Almaty oblysynda kún saıyn 200-ge jýyq naýqastyń koronavırýspen aýrýhanaǵa túsip jatqany aıtyldy.

«Sońǵy eki aptada oblysta koronavırýspen aýyrǵandardyń ósý qarqyny 0,9 paıyzdan 0,6 paıyzǵa tómendedi. Óńir «qyzyl» aımaqta. Sońǵy táýlikte indet juqtyrýdyń 218 jaǵdaıy anyqtaldy. Onyń ishinde 35 bala bar. Aýrýhanalarǵa koronavırýs ınfektsııasymen kúndelikti 200-ge jýyq adam túsýde», - dedi ákimdik ókili.